چیف سکریٹری بی وی آر سبرامنیم نے جموں میں جائزہ اجلاس کے بعد بتایا کہ سنیچر کے روز سے بڑے پیمانے پر شروع ہونے والے رسائی پروگرام کے ایک حصے کے طور پر 38 مرکزی وزراء جموں و کشمیر میں 60 مقامات کا دورہ کریں گے۔
اطلاع کے مطابق نئی دہلی میں وزراء کونسل کی میٹنگ میں وزیر اعظم نے وزراء سے مقامی لوگوں کے ساتھ بات چیت کے دوران ترقی کا پیغام عام کرنے کی بات کہی ہے۔
انہوں نے یہ بھی کہا کہ وزراء مختلف مرکزی اسکیم کے پیغام کو پھیلائیں ، جو زمینی سطح پر لوگوں کو فائدہ پہنچاتی ہے۔
وزیر اعظم نے کہا کہ وزراء کو اپنے اس دورے کو صرف شہری علاقوں تک ہی محدود نہیں رکھنا چاہئے بلکہ دیہاتوں کا بھی دورہ کرکے جموں وکشمیر میں مرکزی حکومت کے ذریعہ کئے گئے ترقیاتی کاموں کے بارے میں بھی آگاہ کرنا ہے۔
یہ 38 مرکزی وزراء 18 جنوری سے 24 جنوری تک مرکز کے زیر انتظام کے دونوں ڈویژنوں کے مختلف اضلاع کا دورہ کریں گے اور وزارت داخلہ اس میں کوآرڈینیشن کررہی ہے۔
