دِگ وجے کو لگتا ہے کہ دہشت گردوں کے حق میں بولنے سے مسلمان خوش ہوں گے

آبی وسائل کی مرکزی وزیر اوما بھارتی نے الزام عائد کیا کہ کانگریس رہنما دگوجے سنگھ کو لگتا ہے کہ دہشت گردوں کے حق میں بولنے سے بھارت کے مسلمان خوش ہوں گے۔

ان کی ترجیح مسلمانوں کا ووٹ ہے۔ نامہ نگاروں کے ذریعے پلوامہ حملے کو لے کر دگوجئے سنگھ کے ٹویٹ کے بارے میں پوچھے جانے پر انہوں نے کہا، 'دگوجے جی جو کہتے ہیں وہ اس لیے کہ انہیں مسلمانوں کا ووٹ چاہیے۔ انہوں نے مزید کہا کہ کانگریس کو ہی مسلمانوں کی حب الوطنی پر شک ہے۔ اس لیے ان کو لگتا ہے کہ دہشت گردی کی تائید میں بولنے پر بھارت کا جو مسلمان ہے وہ خوش ہوتا ہے۔'

رام جنم بھومی اور بابری مسجد معاملے میں عدالت میں چل رہے سوال پر انہوں نے کہا، ' اس پر ہم کچھ نہیں کہ سکتے ہیں۔ سپریم کورٹ پر کوئی تبصرہ نہیں۔'

انہوں نے مزید کہا کہ جس طرح سے مکہ اور ویٹیکن سٹی میں مندر نہیں بن سکتا، اسی طرح سے ایودھیا میں رام مندر کے علاوہ کچھ نہیں بن سکتا ہے'۔