دہلی پولیس کے مطابق ممنوعہ انتہا پسند تنظیم کنگلیپک کمیونسٹ پارٹی ( کے سی پی) کے دو مشتبہ دہشت گردوں کو براڑی علاقے سے گرفتار کیا گیا ہے اور پولیس ان سے پوچھ تاچھ کررہی ہے۔
پولیس کا یہ بھی دعوی ہے کہ ریاست منی پور سے تعلق رکھنے والے یہ دونوں ملزم اپنی ممنوعہ تنظیم کے لیے فنڈ اکٹھا کررہے تھے مزید یہ کہ دونوں کے خلاف پہلے سے غیر ضمانتی وارنٹ جاری تھا اور ان کی گرفتاری پر ایک لاکھ روپئے کا انعام بھی رکھا گیا تھا۔
ڈی سی پی سنجئے یادو نے اس تعلق سے بتایا کہ 'اسپیشل سیل کو اطلاع ملی تھی کہ منی پور کی ممنوعہ انتہا پسند تنظیم کے دو عسکریت پسند دہلی میں چھپے ہوئے ہیں اور تنظیم کے لیے فنڈ اکٹھا کررہے ہیں۔
پولیس کو اطلاع ملی تھی کہ وہ ملزم براڑی علاقے میں آنے والے ہیں تب ہی پولیس نے براڑی کے نرنکاری سرور بس اسٹاپ کے پاس انھیں گرفتار کرلیا فی الحال پوچھ تاچھ جاری ہے۔
گرفتار شدہ مشتبہ عسکریت پسندوں کی شناخت لیشرم منگولی جاؤ اور حزب رحمان کے طور پر ہوئی ہے، لیشرم اس تنظیم کا صدر ہے جبکہ حزب رحمان تنظیم کے لیے فنڈ اکٹھا کرنے کا کام کرنے کام کرتا ہے۔
