طیارہ حادثہ کا شکار ، دو پائلٹ ہلاک

ریاست تلنگانہ کے ضلع وقار آباد ک سلطان پور گاؤں میں ایک تربیتی طیارہ حادثہ کا شکار ہوگیا جس میں طیارہ میں سوار دونوں پائلٹس ہلاک ہوگئے۔

زیر تربیت پائلٹ پرکاش وشال ہیں جبکہ امن پریت کور ان کے انسٹرکٹر بتائے گئے ہیں۔بتایا جاتا ہے کہ طیارہ کا رابطہ بیگم پیٹ ایر پورٹ سے دوپہر 11:55 بجے ٹوٹ گیا تھا۔

مقامی عوام نے کھیتوں میں طیارہ کا ملبہ دیکھ کر پولیس کو اطلاع دی جس کے بعد پولیس نے فضائیہ کے حکام کو اس بات کی اطلاع دی ۔ فضائیہ کی ٹیم بھی واقعہ پر پہنچ چکی ہے۔

ایر فورس کی جانب سے حادثہ کی تحقیقات کا حکم دیدیا گیا ہے۔