کیرالہ میں کورونا وائرس کے دو نئے مریض

ریاست کیرالہ میں کورونا وائرس کے مزید دو کیسس سامنے آئے جس کے بعد ریاست میں اس مرض سے متاثر ہونے والوں کی تعداد بڑھ کر 16 ہوگئی ہے۔

کیرالہ کے وزیر اعلی پنائی رائی وجین نے آج بیان دیا ہے کہ ریاست میں اس مرض سے متاثر ہونے والوں کی تعداد بڑھ کر 16 ہوگئی ہے۔

کیرالہ میں کورونا وائرس کے دو نئے مریض

انہوں نے کہا کہ ان دو نئے کیسس کا اٹلی سے واپس آنے والے ایک ہی خاندان کے تین افراد سے کوئی تعلق نہیں ہے۔ ان میں سے ایک شخص کو کنور کے پریا رام میڈیکل کالج میں شریک کروایا گیا ہے جو دبئی سے واپس آیا تھا۔

دوسرے شخص کو تھریسور جنرل ہسپتال میں داخل کروایا گیا ہے جو قطر سے واپس لوٹا تھا۔ وزیر اعلی نے کہا کہ ریاست بھر میں مختلف ہسپتالوں میں 270 افراد علیحدہ وارڈس میں نگرانی میں رکھے گئے ہیں ۔