بنگلور میں 'آئی ایس' کے دو معاون گرفتار

قومی تفتیشی ایجنسی (این آئی اے) نے جمعرات کے روز یہاں 'آئی ایس' سے رابطہ رکھنے کے الزام میں دو ملزمان کو گرفتار کیا۔

سرکاری ذرائع نے بتایا کہ گرفتار ملزمان کی شناخت ناصر ستار، بنگلور کا رہائشی اور تمل ناڈو کے راماناتھ پورم کے رہائشی احمد عبدالقادر کے نام سے ہوئی ہے۔ دونوں کو مجسٹریٹ کے سامنے پیش کیا گیا، جہاں سے انھیں پوچھ گچھ کےلیے ریمانڈ پر لے لیا گیا۔

انہوں نے بتایا کہ دونوں کو، ایک اور گرفتار ملزم عبد الرحمن سے ملی انٹلیجنس اطلاعات کی بنیاد پر گرفتار کیا گیا ہے۔ رحمان کو حال ہی میں مبینہ طور پر ملک دشمن سرگرمیوں میں ملوث ہونے کے الزام میں گرفتار کیا گیا تھا۔