بائیس برس بعد خاتون کو ضعیف بتا کر تین طلاق

تین طلاق کے خلاف سخت قانون بنائے جانے کے باوجود بھی ایک ساتھ تین طلاق کے معاملے رکنے کا نام نہیں لے رہے ہیں۔

تین طلاق کے سلسلے میں تازہ معاملہ بارہ بنکی کا ہے۔ جہاں ایک خاتون کا الزام ہے کہ اسے ضعیف بتاکر اس کے شوہر نے ایک ساتھ تین طلاق دے کر کسی دوسری خاتون سے شادی کر لی ہے، لیکن ابھی تک اس کے شوہر کے خلاف کوئی کاروائی نہیں کی گئی ہے۔

ایک ساتھ تین طلاق کا یہ معاملہ بارہ بنکی کے ٹکیت نگر تھانہ حلقے کا ہے۔ یہاں سفدرگنج تھانہ حلقے کے رام پور کٹرہ کی ہاشمی خاتون کی شادی 22 برس قبل محمد صدیق سے ہوئی تھی۔ ہاشمی خاتون کا الزام ہے کہ ' دو ماہ قبل صدیق نے انہیں یہ کہہ کر ایک ساتھ تین طلاق دے دی کہ وہ ضعیف ہو گئی ہے، اور اس نے دوسری شادی کر لی ہے'۔

ہاشمی خاتون کی جانب سے اس معاملے کی شکایت پولس سے کی گئی ہے، لیکن ابھی تک کوئی کاروائی نہیں ہوئی ہے۔

بائیس برس بعد ہوئی طلاق سے ہاشمی اور اس کے کنبے کے مشکلات بڑھ گئی ہیں۔

مزید ٖپڑھیں : یوگی کا مطلقہ خواتین کو پینشن دینے کا اعلان

دوسری جانب پولس کا کہنا ہے کہ معاملے کی تفتیش چل رہی ہے، اور ثبوت ملتے ہی مقدمہ درج کر کاروائی کی جائے گی۔

ادھر اس معاملے میں بی جے پی کا اقلیتی سیل بھی متاثرہ کو انصاف دلانے کے لیے ہاشمی کے ساتھ پیش پیش ہے اور وہ پولس سے ایسے معاملوں میں سنجیدگی سے کام کرنے کی گزارش کر رہا ہے۔