ترکی کو بھارت کی نصیحت

بھارت نے اقوام متحدہ کی جنرل اسمبلی میں کشمیر کے تعلق سے دیے گئے ترکی کے بیان کی شدید مذمت کرتے ہوئے کہا کہ اس کا بیان ناقابل قبول ہے اور اسے دوسرے ممالک کی خود مختاری کا احترام کرنا سیکھنا چاہئے۔

بھارت نے ترکی کے صدر رجب طیب اردوغان کی طرف سے اقوام متحدہ کی جنرل اسمبلی ( یواین جی اے ) اجلاس کے دوران منگل کے روز کشمیر سے متعلق کئے گئے تبصرے کو یکسر مسترد کرتے ہوئے اسے دوسرے ممالک کی خودمختاری کا احترام کرنے کی نصیحت کی۔

اقوام متحدہ میں بھارت کے مستقل مندوب ٹی ایس تری مورتی نے کہا ' ہم نے بھارت کے زیر انتظام علاقہ جموں و کشمیرپر ترکی کے صدر کا تبصرہ دیکھا۔ وہ بھارت کے اندرونی معاملات میں مداخلت کررہے ہیں اور یہ ہمارے لئے مکمل طور پر ناقابل قبول ہے۔'

ٹویٹ

تری مورتی نے کہا کہ ترکی کو دوسرے ممالک کی خودمختاری کا احترام کرنا سیکھنا چاہئے اور اپنی پالیسیوں پر زیادہ توجہ دینی چاہئے۔

یو این جی اے کے اعلی سطحی اجلاس کے دوسرے روز ترک صدر نے کہا 'مسئلہ کشمیر، جو جنوبی ایشیا کے استحکام اور امن کے لئے بھی اہم ہے، اب بھی ایک سلگتا ہوا مسئلہ ہے۔ اس سے پہلے درج بیان میں ، اردوغان نے کہا کہ مسئلہ کشمیر کو بات چیت کے ذریعے حل کرنا ضروری ہے۔'

گذشتہ ہفتے بھی بھارت نے داخلی معاملات پر تبصرہ کرنے کے لئے انسانی حقوق کونسل کے 46 ویں اجلاس میں پاکستان ، ترکی اور اسلامی تعاون تنظیم (او آئی سی) کی کھینچائی کی تھی۔