آج پلاسٹک کا خطرہ پوری دنیا کو متاثر کررہا ہے اور اس خطرے سے لڑنے کے لئے پوری دنیا میں بہت سے اہم اقدامات کیے جا رہے ہیں۔
اسی کڑی میں مینگلورو کے رہنے والے نتن واس نے پلاسٹک استعمال نہ کرنا کا فیصلہ لیا ہے، اور وہ پلاسٹک کے بدلے اس کے دیگر اختیارات کو استعمال کرنے پر زور دے رہے ہیں۔
انسان ہر صبح پلاسٹک کے برش کا استعمال کرتا ہے اور اس کے مضر اثرات سے بے خبر رہتا ہے، لیکن نتن واس نے پلاسٹک کے بجائے لکڑی کے برش کا استعمال کر کے اس کی بہترین ترکیب نکالی ہے
نو پلاسٹک لائف فینٹاسٹک: ساگون کی لکڑی کا برش دراصل نتن آسام کی ایک غیر سرکاری تنظیم این جی او سے جڑے ہوئے ہیں یہاں کے قبائلیوں کو لکڑی کے برش بنانے میں مہارت حاصل ہے اور ان کی اس ترکیب کو نتن نے بھی اپنا لیاہے، یہاں کے قبائلی گروپ ساگون کی لکڑی سے برش بناتے ہیں۔
ای ٹی وی بھارت سے بات کرتے ہوئے ماہر ماحولیات نتن واس نے بتایا کہ برش کا ایک حصہ ساگون لکڑی سے بنایا جاتا ہے تو وہیں اس کے دانت نائلن سے بنائے جاتے ہیں اور اس طرح یہ برش ماحول دوست بنایا جاتا ہے۔
اس کے علاوہ نتن واس پلاسٹک کے تنکے کے بجائے کاغذ کے بنے تنکے کے استعمال کو فروغ دیتے ہیں، ایسا کرنے کے پیچھے نتن کا واحد مقصد ماحول کو پلاسٹک کے خطرے سے بچانا اور اسے واحد استعمال پلاسٹک سے پاک کرنا ہے۔
نتن واس سنگل یوز پلاسٹک کے استعمال پر پابندی کے لیے پوری طرح سرگرم ہیں یہی وجہ ہے کہ وہ پلاسٹک کے تنکے کی جگہ کاغذ کے بنےتنکے کا استعمال کرتے ہیں اور اس کو فروغ دیتے دیتے ہیں، ملک بھر میں سنگل یوز پلاسٹک کے استعمال پر پابندی کے لیے ایک مہم چل رہی ہے ای ٹی وی بھارت بھی اس مہم کا اہم حصہ ہے۔
