مرکزمیں وفاقی محاذ کی حکومت بنے گی:سرینواس یادو

تلنگانہ کے مویشوی پروری کے وزیر ٹی سرینواس یادو نے مودی کو ناکام وزیراعظم قراردیتے ہوئے پیش گوئی کی ہےکہ مرکز میں غیر بی جے پی اور غیرکانگریسی حکومت اقتدار میں آئے گی۔

انہوں نے سکندرآباد لوک سبھا حلقے سے بھاری اکثریت سے کامیابی کا یقین ظاہر کیا جہاں سے ان کے فرزند سائی کرن یادو کو تلنگانہ کی حکمران جماعت ٹی آرایس نے امیدوار بنایا ہے۔سرینواس یادو نے میڈیا سے بات کرتے ہوئے کہا کہ عوامی توقعات کے مطابق ٹی آرایس حکومت کر رہی ہے۔

انہوں نے کہاکہ تلنگانہ ریاست، گریٹرحیدرآباد میونسپل کارپوریشن کے حدود میں مرکز کی بی جے پی حکومت نے کوئی ترقیاتی کام نہیں کروائے۔انہوں نے کہا کہ مرکز میں وفاقی محاذ کی حکومت بنے گی جس کا نظریہ تلنگانہ کے وزیراعلی نے پیش کیا ہے۔