نائب صدر ایم وینکیا نائیڈو نے جن سنگھ کے بانی پنڈت دین دیال اپادھیائے کو ان کی جینتی پر خراج عقیدت پیش کیا ہے۔
نائب صدر نے کہا ہے کہ 'بھارتی فلسفیانہ اور ثقافتی روایت پر مبنی، مکمل انسانیت پسندی اور انتودیا کے ذریعہ انسانیت کو روحانی اور معاشرتی طور پر مجموعی ترقی کا گر دینے والے پنڈت دین دیال جی کو ان کی جینتی پر انہیں سلام پیش کرتا ہوں'۔
وزیر اعظم نریندر مودی نے ٹوئٹ میں لکھا ' ملک کی عظیم ترین علامتوں میں سے ایک پنڈت دین دیال اپادھیائے جی کو خراج تحسین پیش کرتا ہوں۔ ان کی زندگی میں رحم دلی کے ساتھ سب سے زیادہ خدمت کرنے کا پیغام دور دور تک سنائی دیتا ہے'۔
واضح رہے کہ پنڈت دین دیال اپادھیائے (پیدائش 25 ستمبر 1916 ء - وفات 11 فروری 1968ء ) آر ایس ایس کے نظریہ ساز اور بھارت کے عظیم مفکر تھے۔ جو 25 ستمبر 1916کو اترپردیش کے چندربھان متھرا میں پیدا ہوئے تھے۔
واضح رہےکہ ریاست اترپردیش کے ضلع چندولی مغل سرائے ریلوے ڈویژن کا نام تبدیل کر کے پنڈت دین دیال اپادھیائے ریلوے ڈویژن رکھا گیا۔