ریاست اتر پردیش کے ضلع امروہہ کے رہنے والے مشہور ترین آرٹسٹ زہیب خان نے دیوار پر کوئلے کی مدد سے سابق صدر جمہوریہ پرنب مکھرجی کی ایک تصویر بنائی اور انھیں خراج عقیدت پیش کیا ہے۔
زہیب خان نے بتایا ہے کہ 'پرنب مکھرجی بھارت ہی نہیں بلکہ دنیا بھر میں اپنی سادگی کے لیے مشہور تھے۔ اُن کا اس طرح سے جانا پورے ملک کے لیے ایک بڑا نقصان ہے'۔
انھوں نے کہا ہے کہ 'خدا نے ہر ایک کو الگ الگ صلاحتیں عطا کی ہے۔ میں نے اپنی صلاحیت یعنی پینٹنگ کے ذریعے اس عظیم قائد و رہنما کو خراج عقیدت پیش کیا ہے۔ میں نے کوشش کی ہے کہ ان کی روح کو سکون پہنچے'۔
زہیب خان نے سابق صدر جمہوریہ پرنب مکھرجی کے انتقال پر اپنے گہرے دکھ کا اظہار کرتے ہوئے کہا کہ 'سابق صدر جمہوریہ بھارتی سیاست کے اہم سنگ میل تھے۔ انھوں نے بھارت کی ترقی اور خوشحالی کے لیے نمایاں خدمات انجام دی ہیں۔ ان کی وفات پورے بھارت کے لیے بڑے خسارہ ہے'۔
پینٹنگ کے ذریعے خراج عقیدت انہوں نے کہا کہ 'پرنب مکھر جی کی آتما کو شانتی ملے اور ان کے خاندان اور چاہنے والوں کو صبر عطا ہو'۔
واضح رہے کہ سابق صدر جمہوریہ پرنب مکھرجی نے 31 اگست 2020 کو دہلی کے آرمی ہسپتال میں آخری سانس لی وہ 84 برس کے تھے، قبل ازیں دو ہفتے قبل بلڈ کلاٹ نکالنے کے لیے ان کے دماغ کی سرجری کی گئی تھی۔
