معذوروں کے لیے کرکٹ ٹورنامنٹ منعقد

اتراکھنڈ میں 'دیویانگ کرکٹ ایسوسی ایشن' کی طرف سے کرکٹ ٹورنمنٹ کا انعقاد کیا گیا، بڑی تعداد میں لوگ اس میچ کو دیکھنے آئے تھے۔

ریاست اتراکھنڈ کے اسمبلی حلقہ لکسر کے اندرا گراؤنڈ میں اتراکھنڈ ویل چیئر کرکٹ ایسوسی ایشن کے ذریعہ ریاستی سطح پر ٹی 20 کرکٹ ٹورنامنٹ کا انعقاد کیا گیا۔

یہ میچ اتراکھنڈ ویل چیئر کرکٹ ایسوسی ایشن اور اتر پردیش ویل چیئر کرکٹ ایسوسی ایشن کی ٹیم کے درمیان ہوا۔

میچ کے دوران کھلاڑیوں نے بہت عمدہ کارکردگی کا مظاہرہ کیا نتیجہ میں اترپردیش وہیل چیئر کرکٹ ایسوسی ایشن کے کھلاڑیوں نے اتراکھنڈ ٹیم کو 37 رنز سے شکست دے کر جیت درج کی۔ اس میچ کے دوران بڑی تعداد میں لوگ موجود تھے۔ جنہوں نے لوگوں کی حوصلہ افزائی کی۔

اسپیشلی ایبلڈ لوگوں کے لیے سرکاری اور غیر سرکاری تنظیمیں مسلسل ایسے ٹورنمنٹ و دیگر پروگرام منعقد کرتی رہتی ہے، جسے عوام کی طرف سے کافی سراہا جاتا ہے۔