عزت و احترام کا یہ انداز نرالہ ہے

تمل ناڈو کے ریوینو وزیر آر بی ادھیا کمار صاف صفائی کرنے والے ملازمین کے قدموں پر گر پڑے۔

ملک گیر لاک ڈوان کے دوران ڈاکٹرز، نرسیز، حفصان صحت سے متعلق عملہ، پولیس فورس اور صاف صفائی کرنے والے ملازمین گویا جنگی محاذ پر ڈٹے رہ کر قوم و ملک کے لیے اپنی خدمات انجام دے رہے ہیں۔

صاف صفائی کرنے والے ملازمین (سینیٹری ورکرز) سے اظہار تشکر کے لئے تمل ناڈو کے ریوینو وزیر آر بی ادھیا کمار نے ان کے قدموں پر گر پڑے اور کہا کہ وہ اصلی ہیرو ہیں۔

تامل ناڈو کے ریوینو وزیر آر بی ادھیا کمار نے ضلع مدورائی میں امدادی سامان تقسیم کیا۔ اس دوران انھوں نے سینیٹری ورکرز کو خراج تحسین پیش کیا۔

انھوں نے ان ملازمین کے سامنے جھکا اور زمین کو چھو لیا، جیسے کسی شخص کے پاؤں چھوا جاتا ہے۔

واضح رہے کہ تمل ناڈو میں کورونا وائرس کے 1200 واقعات رونما ہوئے ہیں۔ اب تک 15 اموات کی اطلاع موصول ہوئی ہے۔