ٹک ٹاک پر پابندی کے مطالبے نے زور پکڑا

فیصل صدیقی کے ایسڈ اٹیک والے ویڈیو کے ساتھ شروع ہوئے ٹک ٹاک کو بین کرنے کے مطالبے میں تیزی آ گئی ہے، جس کا نتیجہ یہ ہوا ہے کہ ایپ کی ریٹنگ ایک ہفتے میں کافی گر چکی ہے اور ٹویٹر پر ہیش ٹیگ 'ٹک ٹاک ڈاؤن' ٹرینڈ کر رہا ہے۔

ویڈیو شیئرنگ ایپ ٹک ٹاک کی ریٹنگ میں گزشتہ کچھ روز سے گراوٹ درج کی گئی ہے، جس کی ایک اہم وجہ پلیٹ فارم پر بے تکے اور خاتون مخالف کنٹینٹ کا ڈالا جانا ہے۔

پلے اسٹور پر فی الحال ایپ کی ریٹنگ 1.3 اسٹار ہے۔ اسی کے ساتھ ٹویٹر پر 'ٹک ٹاک ڈاؤن' کا ہیش ٹیگ ٹرینڈ کر رہا ہے۔

گزشتہ دنوں ٹک ٹاک اسٹار فیصل صدیقی کی جانب سے ایسڈ اٹیک پر بنائے ویڈیو کی کافی تنقید ہوئی۔ اس وائرل ویڈیو میں صدیقی نے ایک ایسے لڑکے کا کردار ادا کیا ہے، جو اپنے پیار کو کھو دینے کا غم منا رہا ہے۔ وہ اپنی معشوقہ سے کہتا ہے کہ 'اس نے تجھے چھوڑ دیا، جس کے لیے تو نے مجھے چھوڑا تھا؟' اور پھر اس پر کچھ پھینکتا ہے، جس کی وجہ سے لڑکی کا چہرے پر نیلے لال دھبے پڑ جاتے ہیں اور اس کا چہرا خراب ہو جاتا ہے۔

اس ویڈیو پر پوجا بھٹ، سورا بھاسکر اور سونا مہاپاترا سمیت بالی وڈ کے کئی ستاروں نے اعتراض جتایا ہے۔ سوشل میڈیا یوزر بھی مسلسل ٹک ٹاک پر سوال اٹھا رہے ہیں کہ کیسے اتنا بڑا ویڈیو شیئرنگ پلیٹ فارم اتنی اسانی سے اتنی خراب زہنیت والی ویڈیو شیئر اور دیکھنے کی سہولت دے سکتا ہے۔

حالانکہ تنقید کے بعد ٹک ٹاک نے فیصل کا اکاؤنٹ بند کر دیا ہے۔ لیکن سوشل میڈیا پر اس ایپ کے بند کرنے کا مطالبہ کیا جا رہا ہے۔

اس ویڈیو پر قومی خواتین کمیشن نے مہاراشٹر کے ڈی جی پی کو ایک خط لکھا ہے جس میں آئی ٹی ایکٹ کے تحت کاروائی کرنے کی گزارش کی گئی ہے۔