مغربی ریلوے سے پارسل کی تین خصوصی ٹرینیں روانہ ہوئیں

مغربی ریلوے کے مختلف اسٹیشنوں سے دودھ کے ایک ایک ریک سمیت تین پارسل خصوصی ٹرینیں روانہ کی گئیں۔

مغربی ریلوے کی جانب سے پیر کو جاری ایک ریلیز میں بتایا گیا کہ اتوار کو مغربی ریلوے کے مختلف اسٹیشنوں سے دودھ کے ایک ایک ریک سمیت تین پارسل خصوصی ٹرینیں روانہ ہوئیں، جن میں اوکھا سے چانگساری اور باندرہ ٹرمینس سے لدھیانہ پارسل خصوصی ٹرینیں شامل ہیں۔ دودھ کی ایک خصوصی ٹرین پالن پور سے ہند ٹرمینل کے لئے روانہ ہوئی ہے۔

واضح رہے کہ 15 جولائی سے دو ملک ٹینکر آنند سے ٹرین نمبر 00913 پوربندر۔ شالیمار پارسل خصوصی ٹرین کواس ماہ کے دوران ہر بدھ اور جمعہ کو جوڑنے کا فیصلہ کیا گیا ہے۔ اس کے علاوہ اسی ٹرین میں دو اضافی پارسل گاڑیاں (وی پی یو) آج سے آئندہ نوٹیفکیشن تک جوڑی جائیں گی۔