اتراکھنڈ میں تین نیپالی مزدوروں کاقتل

اتراکھنڈ کے ضلع پتھوراگڑھ میں تہرے قتل کا سنسنی خیز معاملہ سامنے آیا ہے۔دل دہلا دینے والے اس واقعہ میں قاتلوں نے تین نیپالی مزدوروں کے پوشیدہ اعضا بھی کاٹ دیئے ہیں۔

پتھورا گڑھ کے پولس سپرنٹنڈنٹ آر سی راجگرو نے آج بتایا کہ قتل کا یہ واقعہ پتھورا گڑھ ضلع ہیڈکوارٹر سے پانچ سے چھ کلومیٹر دور جاجردیول تھانے کے تحت مڑھ كھرايت گاؤں میں پیش آیا۔ یہ تینوں مزدوری کا کام کرتے تھے اور گاؤں کے سنسان علاقہ میں ایک مکان میں رہ رہے تھے۔

اتراکھنڈ میں تین نیپالی مزدوروں کاقتل

راج گرو نے بتایا کہ ہفتہ کے روز پولیس کو تین لاشوں کے بارے میں اطلاع ملی۔ واقعہ پر پہنچی پولیس کو تینوں مزدوروں کی لاشیں دو مختلف کمرہ میں پڑی ہوئی ملیں۔

انہوں نے بتایا کہ تحقیقات میں پتہ چلا ہے کہ یہ قتل جمعہ کے روز ہوا تھا ۔ تینوں کے پوشیدہ اعضا بھی کاٹ دیئے ہیں۔ پوشیدہ اعضا کو کاٹنے میں دراتی کا استعمال کیا گیا ہے۔ پولیس نے موقع سے وہ دراتي بھی برآمد کر لی ہے۔