حج کے لیے جن افراد کا انتخاب ہو چکا ہے انھیں آئندہ سال حج کا موقع دیا جائے: عارف نسیم خان

مہاراشٹر کے سابق وزیر و ریاستی کانگریس کے نائب صدرمحمد عارف نسیم خان نے مطالبہ کیا ہے کہ جن خوش قسمت عازمین حج کا نام امسال قرعہ اندازی کے ذریعے حج برائے 2020 کیلئے انتخاب ہواتھا،انہی عازمین کواگلے برس بغیر قرعہ اندازی کے حج کاموقع فراہم کیاجائے اورانھیں اس معاملے میں ترجیح دی جائے ۔

نسیم خان نے کل دیر شب کیے گئے حج کمیٹی آف انڈیا کی جانب سے جاری کئے گئے ایک سرکلر پر اپنا ردعمل ظاہرکرتے ہوئے کہا کہ کوروناوائرس کے پیش نظر امسال ہندوستانی حجاج کرام فریضہ حج ادا نہیں کرسکے ، لہذامرکزی حج کمیٹی عازمین کی جانب سےجمع شدہ رقم کو انھیں واپس لوٹانے کیلئے تیارہے ۔

سابق وزیرنے کہاکہ ان عازمین کاانتخاب قرعہ اندازی کے ذریعے ہوا تھا لہذا اگلے برس جو عازمین کی فہرست تیارکی جائے گی ان میں ان ناموں کوبھی شامل کیاجائے اورانھیں ترجیحی بنیاد پرفریضہ حج اداکرنے کا موقع فراہم کیا جائے ۔