نائب وزیر اعلیٰ سشیل مودی نے شاہین باغ پر کیا کہا؟

بہار کے نائب وزیر اعلیٰ اور بی جے پی کے رہنما سشیل کمار مودی نے کہا کہ 'دہلی کا انتخاب ترقی کا انتخاب نہیں ہے بلکہ یہ الیکشن شاہین باغ کا خاتمہ کرنے والا ہے۔'

بہار کے نائب وزیر اعلی سشیل مودی نے دہلی میں مٹیالا اسمبلی سے بی جے پی کے امیدوار راجیش گہلوت کی حمایت میں جلسہ عام سے خطاب کیا۔

اس عوامی جلسہ میں انہوں نے وزیر اعظم نریندر مودی کے ذریعہ ہونے والے ترقیاتی کاموں کا ذکر کیا اور شاہین باغ کے پُرامن احتجاج پر شدید نکتہ چینی کی۔

سشیل مودی کے مطابق ، بی جے پی ایسی پارٹی ہے جو ایک برس کے اندر 3 گنا زیادہ کام کرکے دکھا سکتی ہے۔

سشیل مودی نے کہا کہ ملک کے وزیر اعظم نریندر مودی خود غربت سے دوچار ہوکر اس مقام پرپہنچ چکے ہیں۔

اسی لئے وہ ہر غریب آدمی کے درد کو بخوبی جانتے ہیں۔

انہوں نے اپنے خطاب کے دوران کہا کہ دہلی کا انتخاب ترقیاتی الیکشن نہیں ہے بلکہ یہ انتخاب شاہین باغ کا خاتمہ کرنے والا ہے۔