'کمل ناتھ حکومت کو کوئی خطرہ نہیں'

کانگریس کے سینیئر رہنما دگ وجئے سنگھ نے اپنے تازہ بیان میں کہا ہے کہ 'مدھیہ پردیش میں کانگریس کی کمل ناتھ حکومت کو کوئی خطرہ نہیں، ہم سب ایک ہیں'۔

اس سے قبل دگ وجے سنگھ نے کہا تھا کہ کانگریس کے چار اراکین اسمبلی بی جے پی کے پاس ہیں، انہوں نے بی جے پی پر خرید وفروخت کا بھی الزام عائد کیا تھا اور کہا تھا کہ 'بی جے پی کے پاس بے حساب بلیک منی ہے جس سے وہ اس کام کو انجام دے رہی ہے'۔

موصول اطلاعات کے مطابق چاروں اراکین اسمبلی کو پارٹی کے سینیئر رہنماؤں کی مداخلت کے بعد واپس بلا لیا گیا ہے۔

انہوں نے کہا کہ 'بنا کسی ثبوت کے وہ کچھ نہیں کہتے ہیں لیکن اب مدھیہ پردیش حکومت کو کوئی خطرہ نہیں ہے'۔