چاندنی رائے نے عدالت سے استدعا کی ہے کہ ان کے شوہر کی موت کی غیر جانبدارانہ تحقیقات کی جائے۔ پوسٹ مارٹم کی رپورٹ میں کہا گیا ہے کہ ممبر اسمبلی کی دم گھٹنے سے موت ہوئی تھی۔
جبکہ پولس کا دعویٰ ہے کہ ان کی لاش سے ایک خودکشی نوٹ برآمد ہوا ہے۔
ممبراسمبلی نے اپنی موت کے لیے دو افراد کو ذمہ دار ٹھہرایا ہے اور ان میں سے ایک کو پولس نے گرفتار کرلیا ہے۔
واضح رہے کہ رکن اسمبلی نے چاول کی مل کے لیے بڑے پیمانے پر بینک سے قرض لیا تھا اور مالی لین دین کی وجہ سے وہ پریشان تھے۔
تاہم بی جے پی اور مقتول رکن اسمبلی کے اہل خانہ کا کہنا ہے کہ وہ خودکشی نہیں کرسکتے ہیں بلکہ اس کے پیچھے ترنمول کانگریس کے لوگوں کا ہاتھ ہے۔
رکن اسمبلی کے اہلخانہ نے الزام عائد کیا کہ 'رات میں ایک بجے انہیں گھر سے بلاکر لے جایا گیا اور اس کے بعد ان کا قتل کیا گیا۔
حال ہی میں، کیلاش وجیہ ورگیہ، رکن پارلیمان بابُل سپریہ اور رکن پارلیمان راجو سنگھ بستا نے صدر جمہوریہ سے ملاقات کرکے اس معاملے کی آزادانہ جانچ کا مطالبہ کیا تھا۔
اس معاملے کی اگلے ہفتے سماعت ہوگی۔
دوسری جانب وزیرا علیٰ ممتا بنرجی نے بھی صدر جمہوریہ کو خط لکھ کر کہا تھا کہ بی جے پی اس پورے معاملے کو سیاسی رنگ دینے اور حقائق کو توڑ مروڑ کرنے کی کوشش کررہی ہے۔
ممتا بنرجی نے اپنے خط میں کہا تھاکہ ایک رکن اسمبلی کی موت ان کے لیے بھی تکلیف دہ ہے۔
انہوں نے معاملہ سامنے آنے کے فوری بعد تیزی سے جانچ شروع کردی گئی تھی۔ابتدائی جانچ سے گرچہ یہ خودکشی کا معاملہ معلوم ہورہا ہے تاہم پولس ہر پہلو سے جانچ کررہی ہے اور سی آئی ڈی کو اس معاملے کی جانچ کی ذمہ داری سونپ دی گئی ہے۔
