یو جی سی کی جانب سے جاری نئی رہنما ہدایات کے مطابق جن ریاستوں میں کورونا کے حالات معمول پرہیں وہاں شروع کے سیمسٹرز کے امتحان منعقد کیے جا سکیں گے۔
یو جی سی نے بدھ کو انسانی وسائل کی ترقی کے مرکزی وزیر رمیش پوکھریال سے ملاقات کے دوران ان سفارشات کو حتمی شکل دی۔
واضح رہے کہ یو جی سی نے طلبا کے داخلے اور امتحان منعقد کرنے کے بارے میں سفارشات کرنے کے لیے ہریانہ سنٹرل یونیورسٹی کے وائس چانسلر آر سی كہاڑ کی صدارت میں ایک کمیٹی تشکیل دی تھی۔ کمیٹی نے اپنی رپورٹ گزشتہ دنوں سونپ دی تھی اور اس کے بعد 27 اپریل کو یو جی سی نے اس پر تبادلہ خیال کیا تھا۔
آج کمیٹی کی ان سفارشات کی بنیاد پر یو جی سی نے نئی ہدایات جاری کیں۔ اجلاس میں تعلیم کے سکریٹری امت کھرے اور یو جی سی کے چیئرمین پروفیسر ڈی پی سنگھ اور کمیٹی کے چیئرمین كهاڑ بھی موجود تھے۔
