کانگریس کے ریاستی ترجمان اور زیدپور اسمبلی نشست کے ضمنی انتخابات میں امیدوار تنج پنیا نے نیتی آیوگ کی رپورٹ میں یوپی کے آخری پائیدان آنے کو لیکر حکومت کو ذمہ دار قرار دیا ہے۔
انہوں نے کہا ہے کہ یہ رپورٹ ریاستی حکومتوں اور انتظامیہ کے ناکام ہونے کا ثبوت ہے۔
بارہ بنکی میں ای ٹی وی بھارت سے خصوصی ملاقات میں کہا کہ نیتی آیوگ کی رپورٹ سے واضح ہے کہ یوگی حکومت تعلیمی نظام کو بہتر بنانے میں ناکام رہی ہے۔
نیتی آیوگ کی رپورٹ حکومت اور انتظامیہ کے ناکام ہونے کا ثبوت: تنج پنیا انہوں نے کہا کہ ریاست کے اسکول خستہ حال ہیں، اسکولوں میں ٹیچر نہیں ہیں جو ہیں بھی ان کی کوئی نگرانی نہیں ہے، لیکن حکومت ان سب کے باوجود تعلیم کی جانب غور نہیں کر رہی ہے۔
حکومت صرف گئوشالہ بنوانے میں لگی ہے اور وہ بھی ٹھیک سے بنوا نہیں پا رہی ہے۔ انہوں نے کہا نیتی آیوگ کی رپورٹ سے واضح ہے کہ حکومت اور انتظامیہ پوری طرح سے ناکام ہے۔
قابل ذکر ہے کہ پیر کو نیتی آیوگ نے تمام ریاستوں کے تعلیمی معیار پر ایک رپورٹ جاری کی جس میں کیرالہ اول نمبر پر اور یوپی سب سے آخری پائیدان پر ہے۔
