اردو

urdu

ETV Bharat / bharat

سوڈان میں مارے گئے بھارتی مزدوروں کا مسئلہ لوک سبھا میں اٹھایا گیا - گیس ٹینکر دھماکے میں مارے گئے بھارتی مزدوروں کو مناسب معاوضہ

سوڈان کے کھارتوم میں منگل کو گیس ٹینکر دھماکے میںہلاک ہونے والے بھارتی مزدوروں کو مناسب معاوضہ دئے جانے اور ان کی لاشوں کو جلد از جلد ہندوستان لانے جانے کا مطالبہ جمعرات کو لوک سبھا میں کئی اراکین نے کیا۔

سوڈان میں مارے گئے بھارتی مزدوروں کا مسئلہ لوک سبھا میں اٹھایا گیا
سوڈان میں مارے گئے بھارتی مزدوروں کا مسئلہ لوک سبھا میں اٹھایا گیا

By

Published : Dec 5, 2019, 3:13 PM IST


ڈی ایم کے کے ٹی آر بالو نے وقفہ صفر میں یہ معاملہ اٹھاتے ہوئے کہا کہ گیس ٹینکر دھماکے میں 18ہندوستانیوں کی موت ہوگئی تھی۔ان میں چھ تمل ناڈو کے بھی تھے۔ مرکزی حکومت اور وزارت خارجہ کو یہ یقینی بنانا چاہئے کہ ان کی لاشیں جلد از جلد ملک واپس لائی جائیں اور ان کے گھروالوں کے سپرد کی جائیں۔

بہار کے سارن سے بھارتیہ جنتا پارٹی کے رکن راجیو پرتاپ روڈی نے کہا کہ جو بھارتی وہاں ہلاک ہوگئے ہیں ان میں بہار کے بھی کچھ لوگ ہیں اور ایک شخص ان کے ہی پارلیمانی حلقے کا ہے۔انہوں نے مطالبہ کیا کہ مرکزی حکومت ہلاک شدگان ہندوستانی کے گھروالوں کو سوڈان حکومت سے معاوضہ دلانے کے معاملے میں کارروائی کرے اور اپنی سطح پر بھی مدد مہیا کرائے۔

تمل ناڈو کے ناگاپٹنم سے کمیونسٹ پارٹی آف انڈیا کے رکن ایم سیلوراج نے کہا کہ تمل ناڈو کے جو مزدور اس حادثے میں مارے گئے ہیں ان کی لاشوں کو جلد از جلد ملک واپس لایا جائے اور گھروالوں کو کم از کم 25-25لاکھ روپے کا معاوضہ دیا جائے۔

ABOUT THE AUTHOR

...view details