حکومت نے او سی آئی کارڈ ہولڈرز کو ویزا سے متعلق چھوٹ دی

مرکزی وزارت داخلہ نے کورونا وائرس کی وجہ سے ویزے اور سفر پر عائد پابندیوں میں نرمی کرتے ہوئے بیرون ملک میں پھنسے او سی آئی کارڈ ہولڈرز (تارکین وطن) کو ملک میں آنے کی آج اجازت دے دی ہے۔

وزارت نے کورونا کی وجہ سے ملک بھر میں لاگو لاک ڈاؤن کے پیش نظر گذشتہ مارچ میں او سی آئی کارڈ ہولڈرز کے لائف ٹائم ویزا کو عارضی طور پر معطل کر دیا تھا۔ گزشتہ 25 مارچ سے لاگو لاک ڈاون کا دور چوتھے مرحلے میں ہے اور یہ 31 مئی کو ختم ہوگا۔

او سی آئی کارڈ ہولڈرز کا کہنا ہے کہ اس حکم کی وجہ سے وہ وندے بھارت مشن کے تحت ملک میں نہیں آ پا رہے ہیں اور ان کے ساتھ امتیازی سلوک ہو رہا ہے۔ اسے دیکھتے ہوئے حکومت نے کچھ زمرے کے او سی آئی کارڈ ہولڈروں کو یہ رعایت دی ہے۔