اگنو، اور جے این یو کے داخلہ امتحان کی نئی تاریخیں

حکومت نے کورونا وبا کے سبب اب اندرا گاندھی اوپن یونیورسٹی (اگنو) میں پی ایچ ڈی اور ایم بی اے کے علاوہ جواہر لال نہرو یونیورسٹی (جے این یو) میں داخلہ امتحان سمیت پانچ دیگر امتحانات کی تاریخوں میں تبدیلی کی ہے اور ترمیمی پروگرام جاری کیا ہے۔

فروغ انسانی وسائل کے مرکزی وزارت کے تحت نیشنل ٹیسٹنگ ایجنسی نے ان اداروں کے امتحان کی تاریخوں کو پہلے ہی آگے بڑھا دیا تھا لیکن لاک ڈاؤن کے پیش نظر اس میں پھر سے ترمیم کر کے نئی تاریخوں کا اعلان کیا ہے۔

جمعرات کے روز جاری ریلیز کے مطابق جے این یو میں داخلے اور اگنو میں پی ایچ ڈی اور ایم بی اے میں داخلے کے لئے اب دخلہ امتحان 15 مئی کو ہوگا، لیکن آیوش کے پی جے امتحان 6 مئی کو ہونے کے بجائے اب 5 جون کو ہوں گے۔

نیشنل ٹیسٹنگ ایجنسی نے نیشنل کاؤنسل فار ہاسٹل منیجمنٹ اور ہندوستانی زرعی تحقیقاتی ادارہ کے امتحان بھی 15 مئی کو ہی کرانے کا فیصلہ کیا ہے۔

امیدوار کریڈٹ کارڈ، نیٹ بینکنگ اور پے ٹی ایم سے آن لائن فیس ادا کرسکتے ہیں۔ سرپرست اور طلبا نیشنل ٹیسٹنگ ایجنسی کی ویب سائٹ دیکھتے رہیں۔