مہاراشٹر کے اورنگ آباد ضلع میں عالمی وبا کورونا وائرس کے انفیکشن سے اتوار کو دو مزید مریضوں کی موت ہوجانے کے بعد مرنے والوں کی تعداد بڑھ کر 30ہوگئی ہے۔
سرکاری ذرائع نے بتایا کہ ضلع میں کورونا انفیکشن سے مرنے والے دونوں معاملے سرکاری میڈیکل اینڈ اسپتال (جی ایم سی ایچ) سے ہیں۔ آج صبح اسپتال میں کورونا سے متاثرہ ایک خاتون کی موت ہوگئی۔
اس کے بعد گزشتہ پندرہ مئی کو ایک بزرگ شخص کو سنگین حالت میں اسپتال لایا گیا تھا جو دیگر بیماریوں میں بھی مبتلا تھے۔ مریض کو وینٹی لیٹر پر رکھا گیا تھا۔ مریض نے آج صبح نو بجکر 15 منٹ پر آخری سانس لی۔ اس کے ساتھ ہی ضلع میں کورونا وائرس سے مرنے والوں کی تعداد 30 ہوگئی ہے۔
مہاراشٹر میں اس وائرس سے سب سے زیادہ لوگوں کے متاثر ہونے کی وجہ سے ریاستی حکومت نے مکمل لاک ڈاون میں 31مئی تک توسیع کردی ہے۔