پلاسٹر آف پیرس کی مورتیوں پر پابندی ایک برس کے لئے ملتوی

مرکزی وزیر پرکاش جاؤڈیکر نے ایک ٹوئٹ کرتے ہوئے بتایا کہ پلاسٹر آف پیرس کی جن مورتیوں پر پابندی لگی تھی وہ اب ایک سال کے لیے ملتوی ہوگئی ہے۔

حکومت نے پلاسٹر آف پیرس سے بنی مورتیوں کی فروخت پر پابندی ایک سال کے لئے ملتوی کردی ہے۔ ماحولیات، جنگلات اور آب و ہوا کی تبدیلی کے وزیر پرکاش جاؤڈیکر نے جمعہ کے روز ایک ٹوئٹ میں یہ اطلاع دی۔

انہوں نے ٹوئٹ میں لکھا کہ 'گنیش کی مورتی' کے لئے پلاسٹر آف پیرس پر پابندی کا فیصلہ ایک سال کے لئے ملتوی کردیا گیا ہے۔ اس سے اس برس جو مجسمہ ساز مورتیاں بنا چکے ہیں ان کو نقصان نہیں ہوگا۔ حکومت کے اس فیصلے سے گنیش چترتھی، درگا پوجا اور دیگر تہواروں کے لئے پلاسٹر پیرس کی مورتیاں تیارکرچکے ہیں یا ان کے لئے کچا مال خرید چکے ہیں ان مجسمہ سازوں کو کافی راحت ملے گی۔