آندھراپردیش کے وشاکھاپٹنم میں آج کشیدگی دیکھی گئی۔ کیونکہ اپوزیشن جماعت تلگودیشم کے سینئر رہنما و سابق رکن پارلیمان سبم ہری کے مکان کے ایک حصہ کوگریٹروشاکھاپٹنم میونسپل کارپوریشن(جی وی ایم سی)کے عہدیداروں نے منہدم کردیا۔
جی وی ایم سی کے عہدیداروں نے ان کے مکان کے اس حصہ کو غیرقانونی قراردیا۔سابق رکن پارلیمان کے دفتر سے متصل بیت الخلا کو بھی منہدم کردیاگیا۔ہری نے جی وی ایم سی کے اہلکاروں پر برہمی کا اظہار کیا اور کہا کہ ان کو اس سلسلہ میں کوئی بھی نوٹس جاری نہیں کی گئی ہے۔