رکن پارلیمان نے کورونا وائرس سے نمٹنے کے لیے ایک کروڑ کا عطیہ دیا

ریاست تلنگانہ کے ظہیرآباد پارلیمانی حلقے سے ٹی آر ایس کے رکن پارلیمان بی بی پاٹل نے مہلک وبا کورونا وائرس سے لڑنے کے لیے اپنے پارلمانی فنڈ سے ایک کروڑ ایک لاکھ کا عطیہ دیا ہے۔

انہوں نے اپنے پارلیمانی حلقے کے دو اسمبلی حلقوں سنگا ریڈی اور کاما ریڈی میں پچاس لاکھ اور اکیاون لاکھ کا عطیہ دیا ہے۔

مہلک وبا کورونا وائرس سے لوگوں کے علاج ومعاملجے کے لیے نیز انہیں ماسک و سینیٹائزر مہیا کرانے کے لیے انہوں نے یہ عطیہ دیا ہے تاکہ اس مرض میں مبتلا مریضوں کا علاج ومعالجہ کیا جائے۔

واضح رہے کہ کورونا وائرس نے دنیا بھر سمیت بھارت کو بھی اپنی زد میں لے لیا ہے اور اس سے بھارت میں تقریباً 600 افراد متاثر ہیں۔

جبکہ 10 افراد اس مہلک وبا سے ہلاک ہو چکے ہیں، اس بیماری سے بچنے اور اس کی روک تھام کے لیے بھارتی حکومت نے اکیس روز کا لاک ڈاؤن کر دیا ہے۔