بنڈے سنجے کا کہنا ہے کہ ایسا کرنے سے عوام کے جذبات کو ٹھیس پہنچے گی۔ قبائلی رہنما کوما رام بھیم پر یہ فلم بنائی جارہی ہے۔
تلنگانہ کے بی جے پی صدر بنڈی سنجے نے فلمساز ایس ایس راجا مولی کو اپنی آنے والی فلم آر آر آر میں ہندو برادری کے جذبات کو ٹھیس پہنچانے کے خلاف خبردار کیا۔
انہوں نے کہا کہ ''ہم راجا مولی کی فلم آر آر آر میں کومارام بھیم کو ٹوپی پہنانے کے خلاف ہیں۔ انہوں نے سوال کیا کہ ان لوگوں میں کیا اس بات کی ہمت ہے کہ وہ اس تصویر پر پھول مالا چڑھائیں۔''
سدی پیٹ میں ایک جلسہ سے خطاب کرتے ہوئے انہوں نے کہا کہ اس سے قبائلی عوام کے جذبات کو ٹھیس پہنچی ہے۔ ہم ان کے جذبات کا احترام کرتے ہیں اور یہ ہماری روایت ہے۔ اگر کوئی ہمارے جذبات کو ٹھیس پہنچائے تو ہم اسے نہیں چھوڑیں گے۔
انہوں نے کہا کہ '' ہم جونیر این ٹی آر ، رام چرن یا کسی بھی اداکار کے خلاف نہیں ہیں لیکن حالیہ دنوں میں ایک خاص طبقہ کے جذبات کو مجروح کرنا ایک مشغلہ بن گیا ہے ہمیں اس کی مخالفت کرنی چاہئے۔''
یہ فلم شروع ہونے سے پہلے ہی تنازعہ کا شکار ہوگئی ہے جس میں کوما رام بھیم جو آندھرا پردیش ، تلنگانہ مہاراشٹر اور چھتیس گرھ کے قبائلیوں میں بھگوان کا درجہ رکھتے ہیں انہیں ایک ٹیزر میں ٹوپی پہنا ہوا دکھایا گیا ہے۔