پٹرول، ڈیزل کی قیمتوں میں اضافے کے خلاف آر جے ڈی کا احتجاج

گزشتہ 18 روز سے پیٹرول اور ڈیزل کی قیمتوں میں مسلسل اضافہ ہو رہا ہے، گزشتہ روز قومی دارالحکومت دہلی میں ڈیزل کی قیمت پیٹرول تجاوز کر گئی، آج 18ویں روز بھی پیٹرول اور ڈیزل کی قیمتوں میں اضافہ درج کیا گیا ہے۔

ریاست بہار میں حزب اختلاف کے رہنما تیجشوی یادو نے پیٹرول اور ڈیزل کی قیمتوں میں ہو رہے اضافے کے خلاف دارالحکومت پٹنہ میں احتجاج کیا اور سائکل مارچ نکالا، اس دوران پارٹی کے ایم ایل اے اور کارکنان سائکل پر سوار ہو کر مارچ میں شامل ہوئے۔

مارچ کے دوران آر جے ڈی کے اراکین اسمبلی تیجسوی یادو کی رہائش گاہ پر تیجسوی یادو کے انتظار میں قطار میں کھڑے نظر آئے، ساتھ یہ سبھی اراکین نریندر مودی اور نتیش کمار کے خلاف نعرے بازی کررہے تھے۔

مارچ میں شامل اراکین اسمبلی نے کہا کی تاریخ میں پہلی ایسا ہوا ہے کہ ڈیزل کی قیمت پیٹرول سے تجاوز کر گئی ہے۔

اس دوران آر جے ڈی کے کارکنان بہار کی سابق وزیر اعلی رابڑی دیوی کی رہائشگاہ پر پہنچے، آر جے ڈی کے حامی وزیر اعظم مودی اور وزیر اعلی نتیش کمار کے خلاف خلاف نعرے بازی کی۔