ترنجیت سنگھ سندھوامریکہ میں بھارتی سفیر مقرر

سفارتکار ترنجیت سنگھ سندھو نے امریکہ میں بھارتی سفیر کی حیثیت سے ذمہ داریاں سنبھال لیں۔

ڈپٹی چیف آف مشن امت کمار اور دیگر عہدیداروں نے سندھو کا جوش و خروش کے ساتھ استقبال کیا۔
سندھو نے نو مقرر کردہ خارجہ سکریٹری ہرش وردھن شرنگلہ کی جگہ لی ہے۔
واشنگٹن ڈی سی میں بھارتی سفارتخانہ نے ٹویٹ کیا کہ 'امریکہ میں # بھارت کے سفیر @ سندھوترنجیت، آج صبح پہنچے اور انہوں نے بھارتی سفیر کی حیثیت سے ذمہ داریاں سنبھال لیں۔ ڈی سی ایم اور دیگر عہدیداروں نے ان کا پر جوش استقبال کیا'۔
سندھو نے اس سے قبل بھی دو بار بھارتی مشن میں خدمات انجام دی تھیں۔ وہ جولائی 2013 سے جنوری 2017 تک واشنگٹن ڈی سی میں بھارت کے سفارتخانے میں ڈپٹی چیف آف مشن رہے۔
اس سے قبل سندھو سفارتخانہ ، واشنگٹن ڈی سی میں 1997 سے 2000 تک امریکی کانگریس کے ساتھ رابطے کے ذمہ دار فرسٹ سکریٹری تھے۔