دہلی میں مصنوعی آکسیجن کی خریدوفروخت شروع

دارالحکومت دہلی میں بڑھتی آلودگی کے پیش نظر مصنوعی آکسیجن فروخت کیا جارہا ہے۔ دہلی کے سلیکٹ سٹی واک مال میں 'آکسی پیور' نامی کمپنی 299 روپیے میں 15 منٹ تک آکسیجن کے ذریعہ خالص ہوا فراہم کر رہی ہے۔

دہلی میں آلودگی کی سطح کم ہونے کا نام نہیں لے رہی، ایسے میں ایک 'آکسی پیور' نامی کمپنی لوگوں کو 299 روپیے سے لے کر 499 میں 15 منٹ تک آکسیجن کے ذریعہ خالص اور تازہ ہوا دے رہی ہے۔ تاکہ لوگ آلودگی کے خطرات سے کچھ بچ سکیں۔

دہلی میں بک رہے مصنوعی آکسیجن

دہلی کے سلیکٹ سٹی واک مال میں آکسی پیور نامی کمپنی سات قسموں کے فلیور میں خالص ہوا دے رہی ہے۔ جس میں ہر فلیور کے الگ الگ فائدے بتائے جارہے ہیں۔ لیونڈر، سینامون، اسپیئرمنٹ، پیپرمنٹ، یوکےلِپٹس، لیمن گراس اور آرنج فلیور میں دہلی کی عوام تازہ ہوا خرید رہی ہے۔

آکسی پیور میں کام کرنے والی آرتی نامی خاتون نے بتایا کہ یہ غیر ملکی کانسیپٹ ہے جو بھارت میں لایا گیا ہے۔ اس کا پہلا آوٹلیٹ سلیکٹ سٹی مال میں کھلا ہے، جہاں پر لوگوں کو خالص ہوا آکسیجن کے ذریعہ فراہم کی جارہی ہے۔

اقسام اور ان کے فوائد

گاہک جو فلیور پسند کرتا ہے، وہ فلیور پائپ کے ذریعہ اس کی ناک میں لگا کر آکسیجن دیا جاتا ہے۔

دہلی میں بک رہے مصنوعی آکسیجن

آرتی کا مزید کہنا تھا کہ اس تھیرپی کے کوئی منفی اثرات نہیں ہیں۔ تاہم حاملہ خاتون اور 12 برس سے کم عمر کے بچوں کو یہ تھرپی نہیں دی جارہی۔

آرتی کا کہنا تھا کہ اس آکسیجن سے نہ صرف آپ کے جسم کے جراثیم ختم ہوں گے بلکہ باہری آلودگی کا کم اثر پڑے گا۔

دہلی میں بک رہے مصنوعی آکسیجن

اس آکسیجن کے فوائد جاننے کے لیے ای ٹی وی بھارت کی رپورٹر پونم نے بھی اس تھیرپی کو عملی طور پر لیا، جس سے انھیں بہتر محسوس ہوا ساتھ ہی ان کے گلے میں ہورہی پریشانی بھی دور ہوگئی۔