مراٹھا سماج کے لوگوں سے سپریا سُلے کی ملاقات

مراٹھا سماج کے کارکن سینکڑوں کی تعداد میں اکٹھا ہو کر ممبئی کے آزاد میدان میں احتجاج کر رہے ہیں۔

مراٹھا سماج کے کارکن سینکڑوں کی تعداد میں اکٹھا ہو کر ممبئی کے آزاد میدان میں احتجاج کر رہے ہیں۔ الزام ہے کہ مہاراشٹر میں بی جے پی حکومت سے بھی پہلے کانگریس، راشٹروادی حکومت کے دوران انہیں مراٹھا ریزرویشن کی بنیاد پر سرکاری ملازمت میں جگہ دی گئی تھی لیکن حکومت بد ل جانے کے بعد ان کی ملازمت کو لے کرموجودہ حکومت نے کچھ خامیاں نکالی تھیں جس کی وجہ سے اب تک انھیں ملازمت نہیں مل سکی ہے۔ ان میں سب سے اہم یہ ہے کہ مراٹھا ریزرویشن کا معاملہ کورٹ میں جانے کی وجہ سے ان کی ملازمت پر اس کا سب سے زیادہ اثر پڑا ہے۔

اس کی وجہ سے انہیں ملازمت نہیں مل سکی حالانکہ آج ان باتوں کو دیکھتے ہوئے ایم پی سپریا سُلے ان سے ملنے کے لئے آزاد میدان پہنچی۔ انہو ں نے کہا کہ اس معاملے کو لے کر حکومت کے اعلیٰ افسر آج اس پر گفتگو کریں گے۔ اس کے بعد اس کے لئے کوئی راستہ نکالا جائے گا۔