پال گھر لنچنگ معاملے کی سماعت اگلے ہفتے کے لئے ملتوی

پالگھر لنچنگ معاملے کی جانچ سی بی آئی یا قومی جانچ ایجنسی سے کرانے سے متعلق عرضی پر عدالت غور کررہی ہے۔

سپریم کورٹ نے مہاراشٹر کے پالگھر میں دو سادھوؤں اور ان کے ڈرائیور کی بے رحمی سے پیٹ پیٹ کر قتل معاملے کی سماعت پیر کے روز اگلے ہفتے کے لئےملتوی کردی۔

جسٹس اشوک بھوشن، جسٹس آر سبھاش ریڈی اور جسٹس ایم آر شاہ کی بنچ نے سالیسیٹر جنرل تشار مہتہ کی درخواست پر سماعت ایک ہفتے کے لئے ملتوی کرنے کا فیصلہ کیا ہے۔

معاملے کی سماعت جیسے ہی بنچ کے سامنے شروع ہوئی مہتہ نے کہا کہ کچھ دقتیں ہیں اس لئے معاملے کی سماعت ایک ہفتے کے لئے ملتوی کردی جانی چاہئے، جسے عدالت نے منظور کرلیا۔

واضح رہے کہ پالگھر لنچنگ معاملے کی جانچ سی بی آئی یا قومی جانچ ایجنسی سے کرانے سے متعلق عرضی پر عدالت غور کررہی ہے۔