سپریم کورٹ نے پلوامہ اور اڑی حملے میں دخل دینے سے انکار کر دیا ہے جس کے بعد یہ طے ہو گیا ہے کہ اب سپریم کورٹ ان حملوں کی جانچ کی نگرانی نہیں کرے گا۔
سپریم کورٹ کے سبکدوش ججوں کی نگرانی میں پلوامہ اور اڑی حملے کی تفتیش کے لیے ایک کمیشن بنانے کا مطالبہ کیا گیا تھا۔
غور طلب ہے کہ سپریم کورٹ میں ایک عرضی داخل کی گئی، جس میں مطالبہ کیا گیا تھا کہ فوج، خفیہ ایجنسی اور ریاستی انتظامیہ کی مدد سے اڑی اور پلوامہ حملے کے پیچھے بھارتی شہریوں کے کردار کی تفتیش کی جائے۔
اس عرضی میں مطالبہ کیا گیا تھا کہ مرکزی حکومت حریت رہنماؤں کے خلاف کی گئی کارروئیوں کی پوری رپورٹ سپریم کورٹ میں جمع کریں، ان کی ملک مخالف سرگرمیوں کی تحقیق کی جائے اور ان کے تمام بینک کھاتے بند کیے جائیں ۔
