ایئرانڈیا کی فروختگی کے خلاف سبرامنیم عدالت جاسکتے ہیں

بی جے پی کے سینئر رہنما سبرامنیم سوامی نے ایئر انڈیا کی نجکاری پر اپنی ناراضگی ظاہر کی ہے، کچھ روز قبل سوامی نے بولی لگانے کے عمل کے لیے اٹھائے گئے اقدامات کے خلاف متنبہ کیا تھا، انہوں نے اس پر تنقید کرتے ہوئے کہا تھا کہ یہ مسئلہ پارلیمانی پینل میں زیر بحث ہے۔

سوامی نے گذشتہ 23 جنوری کو کہا تھا کہ 'یہ مسئلہ (ایئر انڈیا انوسٹمنٹ) مشاورتی کمیٹی کے سامنے ہے اور میں اس کا ممبر ہوں، مجھ سے ایک نوٹ دینے کو کہا گیا ہے، جس پر آئندہ اجلاس میں تبادلہ خیال کیا جائے گا، وہ اس کے بغیر آگے نہیں بڑھ سکتا'۔

بشکریہ ٹویٹر

انہوں نے متنبہ کیا کہ 'اگر وہ (حکومت) ایسا کرتے ہیں تو میں عدالت جاؤں گا'، ایئر انڈیا نجکاری کے اہم مخالف سبرامنیم سوامی نے پہلے اسٹاک ایکسچینج پر ایئر انڈیا کے 49 فیصد حصہ داری کو مختص کر نے کا مشورہ دیا تھا، جبکہ حکومت نجی کمپنی کو اپنی پوری حصہ داری بیچنے کے اختیارات کی شکل میں 51 فیصدی رکھتی ہے۔

قوی ذرائع سے ملی اطلاعات کے مطابق راجیہ کے سبھا رکن سبرا منیم سوامی نے اس ماہ کے شروع میں ایک پارلیمانی مشاورتی کمیٹی کے اجلاس میں ایئر انڈیا کی نجکاری پر اعتراض ظاہر کیا تھا۔