بھارت میں 68 لاکھ سے زائد افراد سیلاب سے متاثر

آئی ایف آر سی نے بتایا کہ سیلاب کی شروعات کے بعد سے اب تک بھارت، بنگلہ دیش اور نیپال میں تقریبا 550 افراد ہلاک، جبکہ لاکھوں افراد بے گھر ہوئے ہیں۔

بھارتی ریاست بہار کے مختلف اضلاع میں سیلاب کا قہر جاری ہے۔ بہار کے شمال مشرقی علاقوں سے این ڈی آر ایف کی ٹیم کی جانب سے سیلاب میں پھنسے لوگوں کو نکال کر محفوظ مقامات پر پہنچایا جا رہا ہے۔

انٹرنیشنل فیڈریشن آف ریڈ کراس اور کراسینٹ سوسائیٹیز نے سرکاری اعداد و شمار کے حوالے سے بتایا کہ اس وقت بالخصوص آسام، بہار مغربی بنگال اور بنگلہ دیش کے سرحدی علاقے میگھالیہ میں سیلاب سے 68 لاکھ سے زائد افراد متاثر ہوئے ہیں۔

جون سے ستمبر تک جاری اس مان سون کے سیزن میں موسلادھار بارش نے جنوبی ایشیاء کے مختلف علاقوں میں تباہی مچا دی ہے۔

آئی ایف آر سی نے بتایا کہ سیلاب کی شروعات کے بعد سے اب تک بھارت، بنگلہ دیش اور نیپال میں تقریبا 550 افراد ہلاک، جبکہ لاکھوں افراد بے گھر ہوئے ہیں۔