انہوں نے عام انتخابات میں فوج کی کاروائیوں سے ذاتی فائدہ اُٹھانے پر تشویش کا اظہار بھی کیا۔
ایل راماداس نے الیکشن کمیشن سے پلوامہ حملہ، بالاکوٹ فضائی حملہ اور ونگ کمانڈر ابھینندن کے وطن واپسی جیسے واقعات کو آئندہ انتخابات میں اپنے ذاتی سیاسی فائدے کے لئے استعمال کرنے والی سیاسی پارٹیوں کے خلاف کاروائی کرنے کو کہا۔
انہوں نےالیکشن کمیشن کے سربراہ سنیل اروڑہ کو ایک اوپن لیٹر لکھا ہے جس میں انہوں نے کہا کہ سیاسی جماعتوں کو سیاسی ریلیاں، پوسٹرز اور میڈیا کے سامنے مسلح افواج کی تصاویر اور فوج سے تعلق رکھنے والے واقعات کو استعمال کرنے سے روکا جائے۔
خط میں انہوں نے مزید کہا ہے کہ مسلح فوج غیر جانبدارانہ طور پر قوم کے لئے ہمیشہ آگے رہی ہے اور ان کو سیاسی امور میں گھیسٹنا قابل مذمت ہے۔
الیکشن کمشن سے اپیل کرتے ہوئے انہوں نے کہا کہ سیاسی جماعتوں کو مسلح فوج سے تعلق رکھنے والی تصویریں استعمال کرنے سے پرہیز کرنے کا حکم جاری کیا جائے کیوں کہ اس سے فوج کو سُبکی ہوتی ہے۔
