تلگودیشم رکن اسمبلی پر پتھراو

تلگودیشم کے زخمی رکن اسمبلی رام کرشنا بابو نے حکمراں جماعت کے کارکنوں کو گرفتار کرنے کا مطالبہ کیا۔

آندھراپردیش کے وشاکھاپٹنم میں وائی ایس آر کانگریس کے کارکنوں نے تلگودیشم رکن اسمبلی رام کرشنا بابو پر پتھراو کیا۔ تلگو دیشم رکن اسمبلی ایک تقریب میں حصہ لینے یہاں پہنچے۔ اس موقع پر حکمراں جماعت کے کارکنوں نے تلگو دیشم رکن اسمبلی رام کرشنا بابو اور ان کے ساتھیوں پر پتھراو کیا۔

پتھر بازی میں زخمی مذکورہ رکن اسمبلی نے اپنے ساتھیوں کے ساتھ سڑک پر احتجاج کیا۔ اور ان پر حملہ کرنے والے وائی ایس آر کارکنوں کو گرفتار کرنے کا مطالہ کیا۔

یہ پہلی بار نہیں ہیکہ تلگودیشم اور وائی ایس آر کانگریس رہنما اور کارکنوں میں جھڑپ ہوئی ہے، اس سے قبل بھی کئی بار دونوں جماعتوں کے کارکنوں میں جھڑپ اور مارپیٹ ہوئی۔ تلگودیشم نے اس سے قبل بھی حکمراں جماعت پر تشدد اور غنڈہ گردی کا الزام لگایا تھا۔