'مزدوروں کو سہارا دینےمیں حکومتیں ناکام'

سی پی آئی پارٹی نے الزام لگایا کہ نقل مکانی کرنے والے مزدوروں کی مدد کرنے میں مرکزاور ریاستی حکومتیں ناکام ہوگئی ہیں۔

سی پی آئی کے قومی سکریٹری نارائنا نے الزام لگایا ہے کہ لاک ڈاون کی وجہ سے روزگار سے محروم نقل مکانی کرنے والے مزدوروں کا بچاو کرنے میں مرکزی اور ریاستی حکومتیں ناکام ہوگئی ہیں۔

انہوں نے حیدرآباد میں پارٹی دفتر میں میڈیا سے بات کرتے ہوئے کہاکہ حکومت،سرکاری اداروں کو نجی اداروں میں تبدیل کرنے کی سازش رچ رہی ہے۔ایسا ہونے پر ان کی پارٹی خاموش نہیں رہے گی۔انہوں نے کہاکہ نقل مکانی کرنے والے مزدوروں کو ہر ماہ دس ہزار روپئے،عمارتوں کی تعمیر کا کام کرنے والے مزدوروں کو ہر ماہ پانچ ہزارروپئے دیئے جائیں۔