الیکشن کمیشن نے اعلان کیا ہے کہ کشمیری مہاجرین کو خصوصی اسکیم کے تحت اپنی پسند کے مطابق ملک کے کسی بھی خطہ میں ووٹ ڈالنے کا حق دیا جائے گا۔
الیکشن کمیشن نے واضح کیا کہ رائے دہندگان ایک درخواست درج کرنے کے بعد موجودہ رہائشی مقامات پر خصوصی عارضی کیمپوں میں اپنے حق رائے دہی کا استعمال کرسکتے ہیں۔
قابل ذکر ہے کہ رائے دہندگان درخواست کے ذریعے مخصوص پولنگ مرکز یا پوسٹل بیلٹ کے ذریعے ووٹ ڈالنے کا انتخاب کرسکتے ہیں۔
اسسٹنٹ ریٹرننگ افسرانکی طرف سے خصوصی کیمپوں میں ووٹ ڈال رہے رائے دہندگان کی فہرست بنائے جائے گی۔
درخواست درج کرنے کے بعد ڈسٹرکٹ الیکشن آفیسر کی طرف سے رائے دہندگان اور خصوصی کیمپوں کی فہرست جاری کی جائے گی۔
واضح رہے کہ خصوصی کیمپوں میں ووٹ دالنے کا حق صرف انہیں دیا جائے گا جنہوں نے درخواست درج کی ہوگی ۔درخواست انتخابات سے دس روز پہلے درج ہو نی چاہئے۔
ان خصوصی کیمپوں پر ڈالے جانے ووٹوں کی شناخت ووٹنگ ایٹ سپیشل پولنگ سٹیشنز(وی ایس پی ایس) کے نام سے ہوگی۔
یہ پہلا موقع ہے کہ کشمیرسے نقل مکانی کرنے والے لوگوں جن کیغالب اکثریت ہندو فرقے سے وابستہ ہے، کو اپنی من پسند جگہ پر ووٹ ڈالنے کا اختیار دیا جائے گا۔
اس سے قبل ان کےلئے مخصوص شہروں میں پولنگ بوتھ قائم کئے جاتے تھے لیکن عمومی طورپرانہوں نے پولنگ میں بڑے پیمانے پر حصہ نہیں لیا ہے۔ مبصرین کے مطابق الیکشن کمیشن کے حالیہ فیصلے کا مقصد یہ ہے کہ کشمیری مہاجرین کی شرح رائے دہندگی میں اضافہ کیا جائے۔
