مظفر نگر اسپیشل بس سروس کا آغاز

اتر پردیش کے مظفر نگر میں دریائے کالی سے تھانہ بھون تک اسپیشل بس سرویس کا آغاز کیا گیا جسے سٹی مجسٹریٹ اور ایس پی ٹریفک نے ہری جھنڈی دکھا کر روانہ کیا۔

اسپیشل بس سروس کا آغاز دریائے کالی سے مظفر نگر روڈ ویز نے کیا ہے جس کا مقصد شہر میں بڑھتی آبادی اور ٹریفک سے عوام کو راحت فراہم کرنا ہے ، جسے سٹی مجسٹریٹ اتل کمار اور ایس پی ٹریفک بی بی چورسیا نے ہری جھنڈی دکھا کر روانہ کیا۔

اس سلسلے میں سٹی مجسٹریٹ اتل کمار ، ایس پی ٹریفک بی بی چورسیا اور مظفر نگر روڈ ویز کے اے آر ایم بی پی اگروال نے مزید تفصیلات بتاتے ہوئے کہ کہ دریائے کالی سے ہر 30 منٹ کے بعد مظفر نگر سے تھانہ بھون جانے والی ایک اسپیشل بس سروس شروع کردی گئی ہے جو صبح 7:30 بجے سے شروع ہوگی اور شام 7:30 بجے اختتام پذیر ہوگی۔

اس اسپیشل بس کے تحت کرایے پر 25 فیصد کی رعایت دی جارہی ہے۔ یہ اسپیشل بس مظفر نگر سے چارٹھوال ہوتے ہوئے تھانہ بھون ہوگی۔ اس سرویس کے لیے ایک اسٹیشن ماسٹر بنایا گیا ہے جو مسافروں کے مسائل حل کرے گا۔