بھارت میں کورونا وائرس کے مریضوں میں مسلسل اضافہ ہو رہا ہے۔ اس کے پیش نظر وزیراعظم نے لاک ڈاون کی مدت میں توسیع کر دی ہے تاکہ اس پر قابو پایا جا سکے، لیکن بہار کے کیمور میں لوگوں میں احساس ذمہ داری کا فقدان نظر آ رہا ہے۔
ریاست بہار کے کیمور میں ضلع مجسٹریٹ اور ایس پی کی اپیل کے باوجود بینکز میں سماجی دوری کی خلاف ورزی کی جا رہی ہے۔
مرکزی اور ریاستی حکومت کی جانب سے غریبوں کے اکاونٹ میں دی گئی امدادی رقم کے بعد سے ہی یہاں صارفین کی بھیڑ دیکھی جا رہی ہے۔
ایسے حالات میں متعدد افراد گھنٹوں قطار میں کھڑے ہو کر اپنی باری کا انتظار کرتے ہیں، جبکہ بہت سارے لوگ لمبی قطار دیکھ کر اپنے گھروں کو واپس لوٹ جاتے ہیں۔
یہ حالات نہ صرف دیہی علاقوں کے ہیں بلکہ بھبھوا جیسے شہر کا بھی ہے، جہاں سرکاری افسران کی ہمہ وقت موجودگی رہتی ہے۔