چھ سالہ معصوم بچی کے ساتھ جنسی زیادتی

ریاست اترپردیش کے شہر مئو میں ایک چھ سالہ معصوم بچی کے ساتھ جنسی زیادتی کا واقعہ پیش آیا ہے۔ اس واردات میں بری طرح زخمی بچی کا علاج بنارس ہندو یونیورسٹی کے ٹراما سینٹر میں جاری ہے۔

مئو کے اس سنگین حادثے سے ہر کوئی حیران ہے۔ اس سنگین واردات کے ملزم پر پولیس نے 25 ہزار روپیے کے انعام کا اعلان کیا ہے۔ اس معاملہ میں مئو کے ضلع مجسٹریٹ نے خود دلچسپی دکھائی ہے۔

ضلع مجسٹریٹ گیان پرکاش ترپاٹھی نے معصوم کے علاج کے لئے ہر ممکن کوشش کا وعدہ کیا ہے۔ متاثرہ بچی کے گھر پہنچے ضلع مجسٹریٹ نے اہل خانہ کو فوری مالی امداد کے علاوہ حکومت سے رانی لکچھمی بائی مہیلا سیوا اسکیم سے بھی مدد کا بھروسہ دلایا ہے۔

اس کے علاوہ ریاستی حکومت سے تین لاکھ روپے کی مخصوص امداد فراہم کرنے کا بھی وعدہ کیا ہے۔ واردات کے بعد سے ہی علاقے میں دہشت کا ماحول ہے۔ علاقے میں پولیس کا سخت بندوبست کیا گیا ہے۔