ساڑھے چھ لاکھ نئے ووٹرز اپنے حق رائے دہی کا استعمال کریں گے

ریاست تلنگانہ کے چیف الیکشن کمشنر رجت کمار نے ای ٹی وی بھارت سے خاص بات چیت کے دوران بتایا کہ ایک 11 اپریل کو ہونے والے عام انتخابات کی تمام تیاریاں مکمل کرلی گئی ہیں۔

رجت کمار کے مطابق الیکٹرانک ووٹنگ مشین کار وی وی پیٹ کی جانچ بھی مکمل ہوچکی ہیں۔ ان انتخابات میں ریاست تلنگانہ میں ساڑھے چھ لاکھ نئے ووٹرز نے اپنا نام درج کروایا ہے جو پہلی مرتبہ ووٹ کریں گے۔

انہوں نے مزید بتایا کہ رائے دہی کے متعلق عوام میں پچھلے دو ماہ سے بیداری مہم چلائی جا رہی تھی جس کا اختتام ہو چکا ہے تاہم ویب سائٹ سے اب بھی استفادہ کیا جاسکتا ہے۔

ریاستی چیف الیکشن کمشنر نے انتخابی ضابطہ اخلاق کی خلاف ورزیوں کو پر قابو پانے کے لیے جاری کردہ موبائل اپلیکیشن "سی ویجل" کے متعلق بتاتے ہوئے کہا کہ ریاست تلنگانہ میں اس موبائل ایپلی کیشن کا ردعمل دیگر ریاستوں کے مقابلے میں کافی بہتر ہے اور روزانہ انتخابی ضابطہ اخلاق کی خلاف ورزیوں کی سینکڑوں شکایات موصول ہورہی ہیں۔