شیو سینا کے رہنما سنجے راوت ہسپتال میں داخَل

شیو سینا کے رہنما سنجے راوت کو ممبئی کے لیلا وتی ہسپتال میں سینے میں درد کی شکایت پر داخل کروایا گیا ہے۔ ڈاکٹر میتھیو اور ڈاکٹر مینن ان کی انجیو گرافی کریں گے۔

سنجے راوت کے بھائی اور شیو سینا کے رکن اسمبلی سنیل راوت نے بتایا کہ انہیں کل ہسپتال سے ڈسچارج کیا جائے گا۔ دو دن قبل بھی وہ روٹین چیک اپ کے لیے ہسپتال آئے تھے۔

ڈاکٹروں نے انہیں دو دن تک آرام کا مشورہ دیا ہے۔ واضح رہے کہ سنجے راوت شیو سینا کے اہم رہنماؤں میں سے ایک ہیں اور وہ اس وقت سیاسی بحران سے نمٹنے میں اہم کردار ادا کررہے ہیں۔