'شاہین باغ صرف جگہ نہیں بلکہ فکر ہے '

مرکزی وزیر قانون روی شنکر پرساد نے کہا کہ شاہین باغ اب صرف ایک  جگہ کا نام نہیں بلکہ یہ ایک فکر بن چکا ہے اور جو لوگ ملک کو تقسیم کرنا چاہتے ہیں وہ لوگ بھارتی پرچم لہرا کر اسے ڈھال کے طور پر استعمال کررہے ہیں۔

مرکزی وزیر روی شنکر پرساد نے آج پریس کانفرنس میں کہا کہ شاہین باغ احتجاجی امن پسند اکثریت کو دبانا چاہتے ہیں۔ یہاں سے ایمبولیس اور بسوں کو گزرنے نہیں دیا جارہا ہے۔ شاہین باغ کا سچ سب کے سامنے لانے کی ضرورت ہے۔

انہوں نے کہا کہ شاہین باغ کی حمایت ٹکڑے ٹکڑے کینگ بھی کررہے ہیں۔ واضح رہے کہ شاہین باغ میں شہریت ترمیمی قانون کے خلاف مظاہرے جاری ہیں۔ کل 26 جنوری کے موقع پر بھی شاہین باغ میں احتجاجیوں نے 54 فٹ اونچا ترنگا لہرایا تھا۔