سیما سنگلہ پھر سے چیئرپرسن منتخب

ریاست ہریانہ کے ضلع نوح نگر پالیکا میں سیما سنگلہ کو پھر سے چیئر پرسن کے عہدے پر فائز کر دیا گیا ہے۔

انہیں 19 جون کو دوبارہ بحال کر دیا گیا تھا اور آج شام انہوں نے چیئر پرسن کا چارج سنبھال لیا ہے۔

محکمہ ڈی سی کو ایک خط لکھ کر اس سلسلے میں اطلاع بھی دے دی گئی ہے۔

چارج لینے کے بعد سیما سنگلہ نے کہا کہ ان کے ساتھ جو کچھ بھی ہوا وہ ایک سیاسی سازش تھی، دوبارہ انہیں ذمہ داری سونپی گئی ہے لہٰذا وہ کوشش کریں گی کہ شہر کی ترقی کو مزید تیز کیا جائے ۔

خیال رہے کہ گزشتہ 27 مئی کو غبن کے دو معاملے میں ڈائریکٹر سمیر پالس نے سیما سنگلہ کو ان کے عہدے سے برکاست کر دیا تھا جس کے بعد صدام حسین کو بطور چیئر پرسن ذمہ داری سوپنی گئی تھی۔